Հավաքածու “Վան” 

Հայերիս մեջ գոյություն ունեցող ամենագեղեցիկ ավանդույթներից մեկն էլ այն է,

երբ որև զարդ հիմնականում տատիկներից  փոխանցվում է սերնդեսերունդ՝ իր մեջ կրելով տատիկների ու մայրերի լուսավոր հիշողություններն ու բարեմաղթանկները։

Կարծում եմ շատերս չէինք հրաժարվի նման զարդից, և այս հավաքածուն ստեղծվել է ելնելով այս երանելի մտքից․

ստեղծել զարդեր, որոնք ապրելու են սերունդների շնչով։

Հավաքածուն ստեղծվել է Վանի թագավորության բացառիկ գեղեցկության կանացի պեկտորալի (իրական չափեր՝ 18.4 սմ ) հիման վրա, այն թվագրվում է 8-7 դարեր մ.թ.ա:

Ներկայումս գտնվում է Կիոտո քաղաքի Միհո թանգարանում։

Զարդի վրա պատկերված են առասպելական արարածներ, կենաց ծառեր և աստվածներ:

Տարբեր վերլուծողների կողմից առասպելական պատկերները անվանվել են անունակներ և համարվել են հրեշտականման կապող էակներ երկրի ու երկնքի միջև։

Մեզ մնում է միայն ունենալ և զգալ զարդի ողջ վեհությունը։